Fransada keçirilmiş ilk kinoseansdan iki il sonra – 1898-ci il avqustun 2-də Bakı elmi-foto dərnəyinin katibi, naşir və fotoqraf Aleksandr Mişon özünün lentə aldığı "Bibiheybətdə neft fontanı yanğını", "Əlahəzrət Buxara əmirinin yolasalma mərasimi", "Qafqaz rəqsi" xronikal sənədli və "İlişdin" adlı bədii süjetlərin müstəqil nümayişini təşkil edib. Elə həmin gün milli kinonun yaranma günü sayılır.
Heydər Əliyevin 2000-ci il 18 dekabr tarixli Sərəncamı ilə avqustun 2-si kino işçilərinin peşə bayramı - Azərbaycan Kinosu Günü kimi qeyd olunur.
Azərbaycan Respublikası Kinematoqrafçılar İttifaqının Mətbuat Xidməti Milli Kino Günü münasibəti ilə “Azərbaycanfilm” kinostudiyası və Dövlət Film Fondunun arxivlərində saxlanılan fotoları təqdim edir//APA//
